 |
عايز تتعرف علي حالات استخراج التصريح الامنى لماليزيا وكمان محتاج دليل بالاماكن السياحية بها سواء مدن او جزر او شواطئ يبقي المقال دة ليك هتتعرف من خلاله علي المعالم والانشطة اللى ممكن تعملها فى رحلتك
لو عاوز تعرف تروح فين في ماليزيا وكل حاجة عن البلد الجميلة دي يبقي المقال دة ليك : مبدأياً ماليزيا بلد تجمع ما بين الطبيعة والشوبينج والتطور لو بتخطط تسافر لها قريب يبقى انت فى المكان الصح اللى هيعرفك علي اشهر الوجهات والاماكن السياحية الموجودة فى ماليزيا بس قبل ما نتكلم عن الاماكن اللى ممكن تزورها فى ماليزيا هنقولك نبذة
بسيطة عن موضوع التصريح الامنى لماليزيا
|
ثانياً : أهم وأفضل الاماكن السياحية فى ماليزيا
خلينا نجزء ماليزيا لجزئين الشرق والغرب
الشرق وهو عبارة عن مجموعة شواطئ خرافية ، والغرب والجزء الأشهر وهو اللي فيه كل حاجه تقريبا معروفة عن ماليزيا وده الجزء اللي هنبدأ بيه
نبدأ من الشمال واكننا جايين من تايلاند واول مكان او مدينة هي :
مدينة لانكاوي
لانكاوي من أشهر الوجهات السياحية في ماليزيا, وفيها شاطئ حلو بس مقارنة باللي هقولهم بعدين هو ولا حاجه وفيها تليفريك يطلعك الجبل ب 50 رينجت وتمشي علي الجسر الزجاج المعلق حاجه كده من الاخر وسط السحاب وده من اهم الحاجات اللي تتعمل هناك اوعي تفوتها .
جزيرة بينانج - وبالاخص جورج تاون
جورج تاون في جزيرة بينانج، وزي اسمها فهي بتدل علي الطابع الأوروبي الذي يؤرخ لأيام الاستعمار, مدينة جميلة ببساطتها وهي من أشهر المدن علي مستوى اسيا كلها بالاستيريت فود او اكل الشارع بمختلف أنواعه, ناس كتير بتروحها يومين بس ينتهي بيها المطاف بشهرين .
جزر برهنتيان
الدلع كله في الجزيرة دي, الجزيرة معروفه بالهدوء ومن احسن الاماكن لشهر العسل والمياه فيها تحفة فعلا
جزيرة ريدانج
ودي يدوبك تحت بريهاتنتان, جزيرة جميلة وفيها بردو ممكن تعمل سنوركلينج وجوها حلو وفيها شعب مرجانية عكس برهنتيان وفي ناس بتعمل كايكينج من الجزيرة دي للتانية بس بتاخد وقت
ننقل شوية من الجزر والمياة وغيرها لمكان للراحة النفسية
ننقل شوية من الجزر والمياة وغيرها لمكان للراحة النفسية
كاميرون هاي لاند
من احسن الاماكن اللي ممكن تعمل فيها كامبينج وسط جبال الشاي والهدوء والمناظر الخرافية بالذات مع الشروق وهي حلوة اوي لليوم الواحد الا لو انت هتعمل كامب او عاوز تشوف الشروق ممكن تقضي ليلة هناك
جينتنج هاي لاند
بردو خروجة يوم واحد في السريع, مكان لتغير الجو عن كوالالمبور وفيها اماكن حلوة للتصوير بردو وجوها ساقع شوية مقارنة بكولالمبور وده علشان ارتفاعها العالي وهي تقريبا على بعد ساعة من كوالالمبور
مدينة كوالالمبور
طبعا من اهم الاماكن في ماليزيا لكونها العاصمة واهم وجهة طيران في آسيا كلها, مدينة كبيرة ومتحضرة جدا وفيها حاجات واماكن كتير ممكن تزورها .
ننزل تحت شوية علي اليمين
ننزل تحت شوية علي اليمين
جزيرة تيومان
ودي واحدة من اهم الشواطئ في ماليزيا, واعتقد انه من انسب الاماكن لشهر العسل هناك بالذات اخر جزء من الجزيرة لأنه ببساطة يعتبر فاضي مقارنة بالاماكن التانية للناس اللي بتحب الهدوء وراحة البال وده منظر الجزيرة:
واخيرا بالجزء الغربي و مدينة ملاكا
مدينة جميلة وبيشبهوها بفينس ايطاليا لان المناظر المشابهة فعلا ليها ده غير النهر اللي في قلب المدينة وشكل المباني اللي هناك فعلا شكلها راقي جدا
نبعد بقي شوية ونروح الجزء الشرقي ونبدأ بقي في المغامرة اللي بجد!
نبعد بقي شوية ونروح الجزء الشرقي ونبدأ بقي في المغامرة اللي بجد!
كل ما بتقرب من الفليبين بتلاقي المياه والجزر احسن سبحان الله,عندك مدينة زي صباح, فيها جزر كتير وكلهم ملهمش حل فعلا المياة خرافية بمعنى الكلمة. ولو قلبك جامد ممكن تعوم مع القروش والسلاحف الكبيرة هناك وعادة بتكون في جزيرة سيمبورنا, ده غير
ان ممكن بردو تعمل هايكنج في كذا مكان ويلا نبدأ بأول مكان وهو
Kinabalu National Park
من احسن الاماكن الجبلية اللي ممكن تعمل فيها هيكينج بس في خطورة شوية بس حاجه كده خيال
Gunung Mulu National Park
بارك جميلة جدا للناس بتاعت المغامرة والهايكينج وطبعا فيها اماكن للكامبينج وأماكن للتجديف بالقوارب.
Manukan Island
انت تروح هناك وسيب نفسك بقي للطبيعة ودي من افضل الاماكن اللي الماليزيين نفسهم ببتكلموا عليها
Bako National Park, Sarawak
مكان حلو يتعمل فيه هيكينج وبردو المياه فيه حلوة ومشهور المكان ده بالقرود واشكالهم الغريبة وانواع كتير للسمك للي عاوز يعمل غطس او ديفينج
Lower Kinabatangan, Sabah
شبيها إلى حد كبير لبوكو بارك ودي بردو أماكن متشابهة كتير وانت ليك حرية اختيار واحدة منهم - Kinabalu Park, Sabah - Tabin Wildlife Reserve
وآخر بارك معانا وهي Mount Mulu National Park
فيها بردو كل حاجه بس سهلة شوية للناس علشان حاطين فيها سلالم للاماكن الصعبة وحبال بتساعدك كتير في تسلق اي منحدر أو تل ده غير ان فيها اماكن للتخييم داخل الكهوف
جزيرة Sipadan
وتقريبا اخر جزيرة على حدود ماليزيا - ومن اهم الاماكن للدايفينج هناك في أنواع سمك مش هتشوفها في حياتك ولا جوه ماليزيا ولا بره
مقال فرعي : تكاليف السفر الي تركيا والاقامة بالتفصيل وبأرخص سعر
مقال فرعي : تكاليف السفر الي تركيا والاقامة بالتفصيل وبأرخص سعر
شكرا لك .. الى اللقاء
*
*
ليست هناك تعليقات: